നെടുവേലി സ്കൂളില്‍ കര്‍ഷകരെ ആദരിച്ചു
August 24
12:53
2016
കൃഷിപ്പാട്ടും വിതപ്പാട്ടും കൊയ്ത്തു പാട്ടും വായ്ത്താരി മേളമൊരുക്കി ചിങ്ങപ്പിറവി ദിനത്തില്‍ നെടുവേലി സ്കൂളിലെ സീഡ് അംഗങ്ങള്‍ കര്‍ഷകരെ ആദരിച്ചു.പച്ചക്കറി കൃഷിയിലും നേന്ത്രവാഴക്കൃഷിയിലും നൂറു മേനി വിളവൊരുക്കിയ കര്‍ഷകനായ മുന്‍ അദ്ധ്യാപകന്‍ ഹമീദ് മാഷിനെയും വനിതാ കര്‍ഷക ശ്രീമതി ലളിതാമ്മയെയുമാണ് പൊന്നാട അണിയിച്ച് ആദരിച്ചത്.വിളവറിവും ചെടിയറിവും വിത്തറിവും പങ്കു വച്ച് സ്കൂള്‍ അങ്കണം നാട്ടറിവിന്റെ പാഠശാലയായി.കുട്ടികളുമായി കര്‍ഷകര്‍ കാര്‍ഷിക മേഖലയുമായി ബന്ധപ്പെട്ട വിഷയങ്ങളില്‍ സംവാദം നടത്തി.കുട്ടികളുടെ ഗായക സംഘം ഓണപ്പാട്ടു പാടി കര്‍ഷകര്‍ക്ക് നന്ദി മൊഴിഞ്ഞു.പി.ടി.എ പ്രസിഡന്റ് ഗോപിപ്പിള്ള,ഹെഡ്മിസ്ട്രസ്സ് ജയശ്രീ,എസ്.എം.സി ചെയര്‍മാന്‍ ജയകുമാര്‍സീഡ് കോഡിനേറ്റര്‍ ഒ.ബിന്ദു എന്നിവര്‍ സംസാരിച്ചു. കണ്‍വീനര്‍ ശ്രീഷ്മ നന്ദി പറഞ്ഞു.