ലഹരി വിരുദ്ധ ദിനാചരണം
ലഹരി വിരുദ്ധ ദിനാചരണത്തിന്റെ ഭാഗമായി നെടുവേലി സര്‍ക്കാര്‍ ഹയര്‍സെക്കന്ററി സ്കൂളില്‍ ലഹരി വിരുദ്ധ സന്ദേശ വാക്യ പ്രദര്‍ശനവും ബോധവല്‍ക്കരണ നാടകവും സംഘടിപ്പിച്ചു.സ്കൂളിലെ മുഴുവന്‍ കുട്ടികളും ലഹരിയ്ക്കെതിരെ സന്ദേശ വാക്യം നിര്‍മ്മിച്ച പ്രദര്‍ശന കാര്‍ഡുമായി അസംബ്ലിയില്‍ അണിനിരന്നു. ലഹരിക്കെതിരെ സന്ദേശ സ്റ്റിക്കര്‍ പൊതുജനങ്ങള്‍ക്ക് വിതരണം ചെയ്തു.ബോധവല്‍ക്കരണ സന്ദേശത്തിന്റെ ഭാഗമായി എക്സൈസ് ഡിപ്പാര്‍ട്ടുമെന്റിലെ കലാകരാന്മാര്‍ അവതരിപ്പിച്ച 'പടിവരെ കാക്കരുതേ' എന്ന നാടകവും കുട്ടികള്‍ക്കും രക്ഷാകര്‍ത്താക്കള്‍ക്കും മുന്നില്‍ അവതരിപ്പിച്ചു.ചടങ്ങില്‍ ഹെഡ്മിസ്ട്രസ്സ് കെ.ജയശ്രീ,പ്രിന്‍സിപ്പാല്‍ എം.ഷെറീന,പി.റ്റി.എ പ്രസിഡന്റ് ഗോപിപിള്ള,എസ്.എം.സി ചെയര്‍മാന്‍ ഷിജി തുടങ്ങിയവര്‍ പങ്കെടുത്തു.മാതൃഭൂമി സീഡിന്റെയും ഹെല്‍ത്ത് ക്ലബ്ബിന്റെയും എസ്.പി.സി യുടെയും സംയുക്താഭിമുഖ്യത്തിലാണ് പരിപാടി സംഘടിപ്പിച്ചത്.
