അടുക്കള പ്ലാസ്റ്റിക് മുക്തമാക്കാൻ പദ്ധതിയുമായി ചെറുവാഞ്ചേരി പാട്യം ഗോപാലൻ സ്മാരക ഗവ. ഹയർ സെക്കൻഡറി സ്കൂൾ. വിദ്യാലയത്തിലെ മുഴുവൻ കുട്ടികളുടെയും ജീവനക്കാരുടെയും വീടുകൾ കേന്ദ്രീകരിച്ചാണ് പദ്ധതി നടപ്പാക്കുന്നത്. ചെറുവാഞ്ചേരി കർഷക-കർഷകത്തൊഴിലാളി ക്ഷേമ സഹകരണസംഘത്തിന്റെ സഹകരണത്തോടെ സീഡ് ക്ലബാണ് പദ്ധതി നടപ്പാക്കുന്നത്. 

  ആദ്യഘട്ടമെന്ന നിലയിൽ വീടുകളിൽ സർവേ തുടങ്ങി. അടുക്കളയിൽ ഭക്ഷ്യവസ്തുക്കൾ സൂക്ഷിക്കാൻ ഉപയോഗിക്കുന്ന പ്ലാസ്റ്റിക് പാത്രങ്ങളുടെ കണക്കെടുപ്പ് തുടങ്ങി. പ്രത്യേക ചോദ്യാവലി തയ്യാറാക്കിയാണ് സർവേ. സർവേയുടെ ഉദ്ഘാടനം കർഷക-കർഷകത്തൊഴിലാളി ക്ഷേമ സഹകരണസംഘം പ്രസിഡന്റ് പന്ന്യോടൻ ചന്ദ്രൻ നിർവഹിച്ചു. ആദ്യ സർവേ ഫോറം സ്കൂൾ പ്രിൻസിപ്പൽ കെ.കെ.ചന്ദ്രമോഹൻ ഏറ്റുവാങ്ങി. 

  പി.ടി.എ. പ്രസിഡന്റ് കെ.എം.ചന്ദ്രൻ, സഹകരണസംഘം ഡയറക്ടർ രാജു എക്കാലിൽ, ടി.കെ.റീത്ത, പ്രഥമാധ്യാപകൻ കെ.രാജീവൻ, സീഡ് കോഓർഡിനേറ്റർ ബി.അബ്ദുൽസലാം എന്നിവർ സംസാരിച്ചു.