ബൺപ്പുത്തടുക്ക: ശ്രീ ദുർഗ്ഗാ പരമേശ്വരി എ യു പി സ്ക്കൂൾ ബൺപുത്തടുക്കയിലെ സീഡ് വിദ്യാർത്ഥികൾ പ്രകൃതിസംരക്ഷണ ദിനത്തോടനുബന്ധിച്ച് കാര്യാട് ഗുഹ സന്ദർശിച്ചു. പാണ്ഡവരുടെ ഗുഹ എന്നറിയപ്പെടുന്ന ഈ ഗുഹയിൽ ഒത്തുകൂടിയ സീഡ് വിദ്യാർത്ഥികൾ കാര്യാട്

ജയറാം ഭട്ടുമായി  സംവദിച്ചു . കാസറഗോഡ് മെഡിക്കൽ കോളേജ് റോഡ് നിർമ്മാണ പ്രവർത്തനത്തോടെ ഭീഷണിയിലായ ഈ ഗുഹ സംരക്ഷിക്കേണ്ടത് പുതു തലമുറയുടെ കടമയാണെന്നും അദ്ദേഹം പറഞ്ഞു. 

  നൂറ്റാണ്ടുകൾ പഴക്കമുള്ള ഈ ഗുഹ പാണ്ഡവരുടെ കാലത്ത് നിർമ്മിച്ചതാണെന്നാണ് വിശ്വാസം. പ്ലക്കാർഡ് ഏന്തിയ സീഡ് വിദ്യാർത്ഥികൾ ഗുഹാസംരക്ഷണത്തിന്റെ ആവശ്യകത നാട്ടുകാരെ ബോധ്യപ്പെടുത്തി.

       പ്രഥമാധ്യാപിക ജയലക്ഷ്മി, സരോജ, അംബിക, സീഡ് കോർഡിനേറ്റർ രമ്യ ടി.വി ക്യാപ്റ്റൻ ജാസ്മിൻ, റിപ്പോർട്ടർ മിസ് രിയ എന്നിവർ പരിപാടിക്ക് നേതൃത്വം കൊടുത്തു.