കുട്ടികൾ തൊട്ടപ്പോൾ പാഴ്വസ്തുക്കളിൽ ജീവൻ
പാഴ്വസ്തുക്കൾ ഉപയോഗിച്ച് വിദ്യാർഥികൾ ഉണ്ടാക്കിയ വസ്തുക്കളുടെ പ്രദർശനം സംഘടിപ്പിച്ച് ചെറുപുഴ ജെ.എം.യു.പി.സ്കൂൾ സീഡ് ക്ലബ്. വലിച്ചെറിയുന്ന വസ്തുക്കൾ ഉപയോഗിച്ച് നമുക്ക് ഉപകാരമുള്ള വസ്തുക്കൾ ഉണ്ടാക്കാൻ വിദ്യാർഥികൾ രംഗത്തുവന്നു. പ്ലാസ്റ്റിക് കത്തിക്കാതെ പുതിയ ഉത്പന്നങ്ങളാക്കി. പ്ലാസ്റ്റിക് സഞ്ചികളും ഹാർഡ് ബോർഡും കരകൗശല വസ്തുക്കളായി പുനർജനിച്ചു. കാടുവെട്ട് യന്ത്രം, യന്ത്രമനുഷ്യൻ, മിനി മോട്ടോർ ഫാൻ, ചവിട്ടി, പൂപ്പാത്രം, പെൻ- മെഴുകുതിരി സ്റ്റാൻഡ്, പലതരം വിളക്കുകൾ, മൺരൂപങ്ങൾ തുടങ്ങിയവയെല്ലാം വിദ്യാർഥികൾ ഉണ്ടാക്കി.
സീഡ് കോ-ഓർഡിനേറ്റർ പി.ലീന, എം.വി.ജിഷ, എ.ജയ, വിദ്യാർഥികളായ െസനിഗ മനോജ്, അനുദർശ്, നിരഞ്ജൻ, ശില്പ വർഗീസ്, മിത്ര രവീന്ദ്രൻ എന്നിവർ നേതൃത്വം നൽകി.
September 01
12:53
2018