കരിങ്കുന്നം: പാഠപുസ്തകങ്ങൾക്കൊപ്പം ചേർത്തുവച്ച ഭക്ഷണപ്പൊതികൾ അധ്യാപകനെ ഏൽപ്പിച്ചവർ കാത്തു നിന്നു, കൈ കഴുകി ഒപ്പമിരുന്ന് കഴിക്കാൻ .

അവർ കൊണ്ടുവന്നതിൽ അപ്പമുണ്ടായിരുന്നു, ഇഡ്ഡിലിയുണ്ടായിരുന്നു, ഇലക്കറിയുണ്ടായിരുന്നു, ചെറുകിഴങ്ങ്

പുഴുക്കുമുണ്ടായിരുന്നു. സ്വന്തം വീട്ടിൽ നിന്നും കൊണ്ടു വന്ന ഭക്ഷണം കൂട്ടുകാർ ആസ്വദിച്ച് കഴിക്കുന്നത് കണ്ടവർ സന്തോഷിച്ചു. 

മാതൃഭൂമി സീഡ് -ഹരിത കേരളം മിഷൻ ഹരിതോത്സവത്തിന്റെ ഭാഗമായി നടത്തിയ ഭക്ഷ്യോത്സവത്തിന്റെ ഭാഗമായാണ് കുട്ടികൾ ഭക്ഷണം എത്തിച്ചത്. കരിങ്കുന്നം ഗവ.എൽ.പി.സ്കൂളിലെ അഞ്ഞൂറോളം വിദ്യാർത്ഥികളാണ് നൂറോളം വ്യത്യസ്ത വിഭവങ്ങൾ ഒരുക്കിയത്. 

"താളും തകരയും " എന്ന പാഠഭാഗത്തിന്റെ പഠനപ്രവർത്തനവും കൂടിയായിട്ടാണ് ഭക്ഷ്യമേള സംഘടിപ്പിച്ചത്. 

ഭക്ഷ്യോത്സവത്തിന്റെ ജില്ലാതല ഉത്ഘാടനം ഹരിത കേരളം മിഷൻ ജില്ലാ കോ ഓർഡിനേറ്റർ ഡോ.ജി.എസ്.മധു നിർവ്വഹിച്ചു.