ഒറ്റപ്പാലം: ചെറുമുണ്ടശ്ശേരി യു.പി. സ്കൂളിലെ മാതൃഭൂമി സീഡ് ക്ലബ്ബിന്റെ നേതൃത്വത്തിൽ വിദ്യാർഥികൾക്കും അധ്യാപകർക്കും കറിവേപ്പുത്തൈകൾ വിതരണം ചെയ്തു. മാതൃഭൂമി സീഡ് കോ-ഓർഡിനേറ്ററും അധ്യാപകനുമായ എൻ. അച്യുതാനന്ദൻ തനിക്ക് കിട്ടിയ വനമിത്ര പുരസ്കാരത്തുകയിൽനിന്ന് ഒരുഭാഗം ചെലവഴിച്ചാണ് തൈകൾ വിതരണം ചെയ്തത്.
 പ്രധാനാധ്യാപിക കെ. ശ്രീകുമാരി, ഒന്നാം ക്ലാസ് വിദ്യാർഥി ഫാത്തിമ ഷിഫ, അധ്യാപകരായ ഇ. ജലജ, ടി. പ്രകാശ്, ബി.പി. ഗീത, സി.പി. ജലജ, എൻ. ജിജി, കെ. സുലൈഖ എന്നിവർ സംസാരിച്ചു.