ഓസോൺ ദിനത്തിൽ സൈക്കിൾ പരിശീലനത്തിന് തുടക്കമിട്ട് വൈക്കിലശ്ശേരി യു.പി.
വൈക്കിലശ്ശേരി: ഓസോൺ ദിനാചരണത്തിന്റെ ഭാഗമായ് വൈക്കിലശ്ശേരി യു.പി സ്കൂളിൽ മാതൃഭൂമി സീഡ് ക്ലബ്ബിന്റെ നേതൃത്വത്തിൽ സൈക്കിൾ പരിശീലനം ആരംഭിച്ചു. ‘ആരോഗ്യംനേടാം, സൈക്കിൾ ഉപയോഗിക്കാം’ എന്ന പദ്ധതി പ്രധാനാധ്യാപിക മോളി സുഷമ ഉദ്ഘാടനംചെയ്തു.
അന്തരീക്ഷമലിനീകരണം കുറയ്ക്കുക. വിദ്യാർഥികളുടെ കായികക്ഷമത വർധിപ്പിക്കുക എന്നതാണ് ഈ പദ്ധതിയുടെ ഉദ്ദേശ്യം. സ്കൂളിലെ മുഴുവൻ കുട്ടികളെയും സൈക്കിൾ സ്വയംപര്യാപ്തതയിലേക്ക് എത്തിക്കുക എന്ന ലക്ഷ്യത്തോടെയാണ് സീഡ് ക്ലബ്ബ് ഈ പ്രവർത്തനം ഏറ്റെടുത്തത്. സൈക്കിൾ ഉപയോഗിക്കുന്നതുകൊണ്ട് ഉണ്ടാകുന്ന ഗുണങ്ങളെക്കുറിച്ച് പുതുതലമുറയെ ബോധവത്കരിക്കും എന്ന് സീഡ് അംഗങ്ങൾ വ്യക്തമാക്കി.
വാഹനപുകയുടെ ദൂഷ്യഫലങ്ങൾ, ഓസോണിന്റെ നാശം, കാലാവസ്ഥവ്യതിയാനം തുടങ്ങിയ കാര്യങ്ങൾ അംഗങ്ങൾ വിശദീകരിച്ചു.
സീഡ് കോഓർഡിനേറ്റർ കെ.എം.അഷ്കർ, അനൂപ്, സാരംഗ് തുടങ്ങിയവർ സംസാരിച്ചു.