മണ്ണാർക്കാട്: എ.യു.പി.എസ്. കുമരംപുത്തൂരിൽ സീഡ് ക്ലബ്ബിന്റെ കീഴിൽ വാട്ടർ ബെൽ സംവിധാനം നിലവിൽ വന്നു. വെള്ളം കുടിക്കുന്നതിന് മാത്രമായൊരു ബെൽ എന്നതാണ് ഈ സംവിധാനം കൊണ്ട് ഉദ്ദേശിക്കുന്നത്. അധ്യാപകരും കുട്ടികളും പ്ലാസ്റ്റിക് കുപ്പികൾ മാറ്റി സ്റ്റീൽ കുപ്പികൾ ഉപയോഗിക്കാനും തുടങ്ങി. പ്രധാനാധ്യാപകൻ മത്തായി, അധ്യാപകരായ മുഹമ്മദ് ഷാഫി, അബ്ദുൾ റഹീം, ശാലിനി, വി.ആർ. സുധ, സുമ, ലത, കൃഷ്ണകുമാരി, ഫായിസ, രാജി തുടങ്ങിയവർ നേതൃത്വം നൽകി.