മാതൃഭൂമി ജില്ലയിലെ സീഡ് റിപ്പോർട്ടർമാർക്കായി നടത്തിയ ഓൺലൈൻ പരിശീലനത്തിൽ നിന്ന്
കോട്ടയം: മാതൃഭൂമി ‘സീഡ്’ റിപ്പോർട്ടർമാർക്കായി പരിശീലനം സംഘടിപ്പിച്ചു. ജില്ലയിൽ വിവിധ സ്കൂളുകളിൽ നിന്ന് തിരഞ്ഞെടുക്കപ്പെട്ട 200-ഓളം കുട്ടികൾ പങ്കെടുത്തു. ദൃശ്യമാധ്യമത്തെപ്പറ്റി സി.കെ.അഭിലാലും അച്ചടിമാധ്യമത്തെക്കുറിച്ച് രശ്മി രഘുനാഥും ഫോട്ടോ ജേണലിസത്തെപ്പറ്റി ഇ.വി.രാഗേഷും ക്ലാസെടുത്തു. വാർത്തകൾ കണ്ടെത്തുന്നവിധം, എഴുതുന്നതെങ്ങനെ, വാർത്തയിൽ ചിത്രങ്ങളുടെ പ്രാധാന്യം തുടങ്ങി വിവിധ വിഷയങ്ങൾ ചർച്ച ചെയ്തു. മാതൃഭൂമി കോട്ടയം യൂണിറ്റ് മാനേജർ ടി.സുരേഷ് സ്വാഗതം പറഞ്ഞു.