തെയ്യങ്ങളുടെ ദൃശ്യഭംഗി "തെയ്യക്കാഴ്ച"കളിലൂടെ അവതരിപ്പിക്കുകയാണ് മുതുകുറ്റി യു.പി.സ്കൂളിലെ സീഡ് ക്ലബ്ബ്.

സ്കൂൾ സീഡ് ക്ലബ്ബ് തയ്യാറാക്കിയ പുസ്തകം 'മാതൃഭൂമി' കണ്ണൂർ യൂണിറ്റ്‌ ന്യൂസ് എഡിറ്റർ കെ.വിനോദ് ചന്ദ്രൻ നിർവഹിച്ചു. ആദ്യപ്രതി പ്രഥമാധ്യാപിക പി.ആർ.ശ്രീജ ഏറ്റുവാങ്ങി.

പരിമിതികൾക്കുള്ളിൽ നിന്ന്‌ ബൃഹത്തായ ഈ പദ്ധതിക്ക് തുടക്കം കുറിച്ച സീഡ് അംഗങ്ങളെയും വിദ്യാർഥികളെയും അനുമോദിച്ചു. പഞ്ചായത്തംഗം ഷൈമ അധ്യക്ഷത വഹിച്ചു. സീഡ് കോ ഓർഡിനേറ്റർ സി.പി.അഭിലാഷാണ് 'തെയ്യക്കാഴ്ചകൾ' ഒരുക്കുന്നതിന് കുട്ടികൾക്ക് നേതൃത്വം നൽകിയത്. സ്കൂളിന്റെ 110-ാം വാർഷികാഘോഷവും ദാസൻ പെരളശ്ശേരിയുടെ തെയ്യക്കാഴ്ചകളുടെ ചിത്രപ്രദർശനവും നാട്ടറിവു പ്രദർശനവും കണ്ണൂർ നോർത്ത് ബി.പി.ഒ. കൃഷ്ണൻ കുറിയ ഉദ്ഘാടനം ചെയതു. മദർ പി.ടി.എ. പ്രസിഡന്റ് സ്മിജ, വൈസ് പ്രസിഡന്റ് സുഗീത, സ്റ്റാഫ് ​െസക്രട്ടറി കെ.പി.ബാബു, സി.പ്രമീള എന്നിവർ സംസാരിച്ചു.