സ്നേഹദീപം

മഞ്ഞു വീഴും ശിശിരമാലെ
വന്നു നീയെൻ മനസ്സിലേക്ക്
പാറിപറക്കും പൂമ്പാറ്റയെ പോൽ
പാറിവന്നു നീയ്യെന്നുള്ളിലേക്ക്
എന്നുളളിൽ ചാലിച്ച നിൻ ചിത്രം
മാണിക്യക്കല്ലു പോൽ സൂക്ഷിച്ചു ഞാൻ
നീയെനികേകിയ പനിനീർ പൂക്കൾ
മായാജാല ഭൂമിയിൽ പൂട്ടി വച്ചു
നിന്റെ മനസ്സിന്റെ താക്കോൽ പോലും
എന്റെ മണിച്ചെപ്പിനുള്ളിലൊളിച്ചു വച്ചു
എൻ മനസ്സിലെ തേനരുവിയാണ് നീ
എൻ മനം കവർന്ന ചിത്രശലഭമാണ് നീ
അകലെയാണെങ്കിലും ഓമലേ
നീയിന്നരിക്കെയാണെന്നു തോന്നിടുന്നു .

നിവേദ്യ എസ്
ജി യു പി എസ് ഈസ്റ്റ് നടക്കാവ്