ചേ൪ത്തല: മാതൃഭൂമിയും ഫെഡറൽ ബാങ്കും ചേർന്നു വിദ്യാലയങ്ങളിൽ നടപ്പാക്കുന്ന സീഡ് പദ്ധതിയുടെ 14-ാം വർഷത്തെ അധ്യാപക ശില്പശാല ശനിയാഴ്ച നടക്കും. ചേ൪ത്തല വിദ്യാഭ്യാസജില്ലയിലെ അധ്യാപക കോ-ഓർഡിനേറ്റർമാർക്കുള്ള ശില്പശാല ചേ൪ത്തല എ൯.എസ്.എസ്. യൂണിയൻ ഹാളിൽ ശനിയാഴ്ച രാവിലെ പത്തിനാണ്. ഈവർഷം വിദ്യാലയങ്ങളിൽ നടപ്പാക്കേണ്ട പ്രവർത്തനം അധ്യാപകർക്കു വിശദീകരിച്ചുനൽകാനും സംശയങ്ങൾ ദൂരീകരിക്കാനുമാണു ശില്പശാല. സീഡിൽ പുതുതായി പ്രവർത്തിക്കാനാഗ്രഹിക്കുന്ന വിദ്യാലയങ്ങളിലെ അധ്യാപകർക്കും പങ്കെടുക്കാം. ഫോൺ: 9495919720.