വീയപുരം: ഗവ. ഹയർ സെക്കൻഡറി സ്കൂൾ ഹരിതമോഹനം പരിസ്ഥിതി സീഡ് ക്ലബ്ബും ജലശ്രീ ക്ലബ്ബും ചേർന്ന് ജലസന്ദേശറാലി നടത്തി. വീയപുരം ഗ്രാമപ്പഞ്ചായത്ത് പ്രസിഡന്റ് ഷീജാ സുരേന്ദ്രൻ ഉദ്ഘാടനം ചെയ്തു. വാർഡംഗം ജഗേഷ് അധ്യക്ഷനായി. സീനിയർ അസിസ്റ്റന്റ് എസ്. ശ്രീലേഖ, ജലശ്രീ ക്ലബ് കോ-ഓർഡിനേറ്റർ പ്രീതി, സീഡ് കോ-ഓർഡിനേറ്റർ പി.കെ. മനേക, രേഷ്മ ആർ. പിള്ള, പി. പ്രത്യൂഷ്, ദീപ, പ്രീത, തസ്‌നി, മഹിമ, മുഹമ്മദ് ഷെറീഫ് എന്നിവർ പങ്കെടുത്തു. സ്കൂളിൽനിന്നാരംഭിച്ച റാലി വീയപുരത്തെ സംരക്ഷണവനത്തിനു സമീപം പമ്പാ നദിക്കരയിൽ സമാപിച്ചു. എഴുപതോളം കുട്ടികൾ റാലിയിൽ പങ്കെടുത്തു.