കൂടണയുന്ന ഉറാങ് ഉട്ടാന്‍

ഇന്തോനേഷ്യയിലെ കാടുകളുടെ നാശവും അതുമൂലം വംശനാശത്തിന്‍റെ വക്കിലെത്തി നില്‍ക്കുന്ന ഉറാങ് ഉട്ടാനെക്കുറിച്ചുള്ള ഫൊട്ടോ സീരിസിനാണ് ഇത്തവണത്തെ ഏറ്റവും മികച്ച വന്യജീവി ഫൊട്ടോഗ്രഫിക്കുള്ള പുരസ്കാരം. 30 മീറ്റര്‍ ഉയരത്തിലുള്ള സ്വന്തം കൂട്ടിലേക്കു കയറിവരുന്ന  ഉറാങ് ഉട്ടാന്‍റെതുള്‍പ്പടെ ആറു ചിത്രങ്ങളാണ് ഈ സീരിസിലുണ്ടായിരുന്നത്. കാടിന്‍റെ നാശവും, ഉറാങ് ഉട്ടാനുകളുടെ അശരണതയും നിറഞ്ഞു നില്‍ക്കുന്ന ചിത്രങ്ങള്‍ പകര്‍ത്തിയത് അമേരിക്കന്‍ ഫൊട്ടോഗ്രാഫറായ ടിം ലാമനാണ്. കൂട്ടത്തില്‍ ഏറ്റവും ശ്രദ്ധേയമായ മരത്തിനു മുകളില്‍നിന്നുള്ള  ഉറാങ് ഉട്ടാന്‍റെ ചിത്രമെടുക്കാന്‍ ടിം ഉപയോഗിച്ചത്  ഗോ പ്രോ ക്യാമറയാണ് . ഈ മികച്ച ഷോട്ട് പകർത്തുന്നതിനായി ക്യാമറ സ്ഥാപിക്കാനായി ടിം ലിമന്‍ മരത്തിനു മുകളിലെ  ഉറാങ് ഉട്ടാന്‍റെ കൂട്ടിലേക്കു വലിഞ്ഞ് കയറിയത് 3 ദിവസമാണ് .