പുഴസംരക്ഷണത്തിന് കടവത്തൂർ
മാതൃഭൂമി സീഡ് ക്ലബ് അംഗങ്ങളുടെ നേതൃത്വത്തിൽ കടവത്തൂർ വി.വി.യു.പി.സ്കൂൾ പുഴസംരക്ഷണയാത്ര നടത്തി. മയ്യഴിപ്പുഴയിലെ കല്ലാച്ചേരി കടവിലാണ് സംരക്ഷണയാത്ര നടത്തിയത്.
പുഴ ഇന്ന് പലതരത്തിലുള്ള ഭീഷണി നേരിടുകയാണ്. അറവുമാലിന്യംതള്ളൽ, പ്ലാസ്റ്റിക്കുകൾ വലിച്ചെറിയൽ, മീനിനായി നഞ്ചുകലക്കൽ, മണൽവാരൽ തുടങ്ങി കുറെ പ്രശ്നങ്ങൾ പുഴയുമായി ബന്ധപ്പെട്ട് ചർച്ചചെയ്ത് മനസ്സിലാക്കി.
നാട്ടുകാരുടെ കൂട്ടായ്മയുണ്ടാക്കിയും അധികൃതർക്ക് പരാതികൊടുത്തും പുഴയെ സംരക്ഷിക്കുമെന്ന് കുട്ടികൾ പ്രതിജ്ഞയെടുത്തു. സ്കൂൾ ലീഡർ വി.സി. ദേവിക പ്രതിജ്ഞാവാചകം ചൊല്ലിക്കൊടുത്തു. കോഴിക്കോട് ജില്ലയെയും കണ്ണൂർ ജില്ലയെയും ബന്ധിപ്പിക്കുന്ന നിർദിഷ്ട പാലം നിർമിക്കാൻ മുഖ്യമന്ത്രിക്കും ആരോഗ്യമന്ത്രിക്കും നിവേദനം കൊടുക്കാനുള്ള തയ്യാറെടുപ്പിലാണ് സീഡ് ക്ലബ് അംഗങ്ങൾ. സീഡ് കോ-ഓർഡിനേറ്റർ കെ.എം. സുനലൻ, ടി.കെ. ശ്രീജിത്ത്, കെ.ഷൈനി, എൻ.കെ. രാഗുൽ, എൻ. സുജിഷ, എം. ഷിജേഷ് എന്നിവർ നേതൃത്വം നൽകി.
September 01
12:53
2018