നൊച്ചാട് സ്‌കൂളില്‍ നാട്ടുമാഞ്ചോട്ടില്‍ പദ്ധതി
പേരാമ്പ്ര: നമ്മുടെ സ്വന്തം മാന്തോപ്പിലേക്ക് മടങ്ങുക എന്ന ലക്ഷ്യവുമായി നൊച്ചാട് എ.എം.എല്‍.പി. സ്‌കൂളില്‍ മാതൃഭൂമി സീഡ് ക്ലബിന്റെ നേതൃത്വത്തില്‍ 'നാട്ടുമാഞ്ചോട്ടില്‍' പദ്ധതി തുടങ്ങി.
സ്‌കൂളിലെ വിദ്യാര്‍ഥികള്‍ ശേഖരിച്ച നാട്ടുമാവിന്‍തൈകള്‍ പൊതുസ്ഥലങ്ങളില്‍ നട്ടു പിടിപ്പിച്ചു. നൊച്ചാട് ഗവ. ആയുര്‍വേദ ആസ്പത്രി പരിസരത്ത് തൈ നട്ടുകൊണ്ട് ചീഫ് മെഡിക്കല്‍ ഓഫീസര്‍ ഡോ. മുഹമ്മദ് ഉദ്ഘാടനം ചെയ്തു.
പി.ടി.എ. പ്രസിഡന്റ് പി.സി. ഹൈറുനിസ അധ്യക്ഷത വഹിച്ചു. പ്രധാനാധ്യാപിക ഇ.കെ. ഷൈല, എ.കെ. അസ്മ, മാതൃഭൂമി സീഡ് കോ-ഓര്‍ഡിനേറ്റര്‍ ടി. റിയാസ്, അബ്ദുള്ള, ഗോവിന്ദന്‍, കെ.കെ. പുഷ്പ, സനാ ഫാത്തിമ എന്നിവര്‍ നേതൃത്വം നല്‍കി.
September 09
12:53
2017