ചെങ്ങന്നൂർ: ഇരമല്ലിക്കര എച്ച്.യു.പി.എസിലെ. മാതൃഭൂമി സീഡ് ക്ലബ്ബ്‌ അംഗങ്ങൾ കണിയാൻപാറ, കവിയൂർ ഗുഹാക്ഷേത്രം എന്നിവിടങ്ങളിലേക്ക്  പരിസ്ഥിതിപഠനയാത്ര നടത്തി. പ്രകൃതിപ്രതിഭാസങ്ങളെ നിരീക്ഷിക്കുക, പ്രദേശത്തിന്റെ ചരിത്രപ്രാധാന്യം മനസ്സിലാക്കുക, സാംസ്കാരിക അനുഭവങ്ങൾ നേടുക എന്നിവ ലക്ഷ്യമാക്കിയാണ് പഠനയാത്ര സംഘടിപ്പിച്ചത്. പഠനയാത്രയ്ക്ക് സീഡ് കോഡിനേറ്റർ എസ്. നന്ദകിഷോർ, അധ്യാപകരായ അശ്വതി ഓമനക്കുട്ടൻ, പി.ജി. രജനി എന്നിവർ നേതൃത്വം നൽകി.